स्रोत नखुलेको रुपैंयासहित प्रहरीले एक युवकलाई नियन्त्रणमा लिएको छ।

नवलपरासी बर्दघाट नगरपालिका वडा नम्बर ६ बस्ने २२ वर्षीय टिकाराम भट्टराईलाई नियन्त्रणमा लिएको हो। शुक्रवार चन्द्रागिरि नगरपालिका वडा नम्बर २ नागढुङ्गास्थित चेक प्वाइन्टमा ड्युटीमा खटिएको प्रहरी टोली स्रोत नखुलेको  ३९ लाख ५० हजार रुपैयाँ सहित पक्राउ गरेको थियो।

धादिङबाट काठमाडौँ आउँदै गरेको ना ४ ख ९६७४ नम्बरको बसको ग्यालरीमा झोला बोकी आएको टिकारामले बोकी ल्याएको हरियो रङको आर्मी कम्ब्याट खालको झोलाभित्र रकम फेला परेको थियो। स्रोत खुलाउन नसकेपछि प्रहरीले युवकलाई नियन्त्रणमा लिएर हिरासतमा राखेको छ।पहिलोपोस्ट बाट