मंगलबार युनाइटेडको घरेलु मैदान ओल्ड ट्राफर्डमा १-० को जितका साथ एटलेटिको अघि बढेको हो । पहिलो लेग १-१ को बराबरीमा सकिएको हुनाले एटलेटिको समग्रमा २-१ को जितसँगै युनाइटेडलाई हराउन सफल रहयो । एटलेटिकोको जितमा रेनान लोडीले खेलको एकमात्र गोल गरेका थिए ।

पहिलो हाफको ४१ औं मिनेटमा ब्राजिलियन डिफेन्डरले हेडरमार्फत गोल गरेका थिए । जोआओ फेलिक्सले दिएको चलाखीपूर्ण पासमा एन्टोइन ग्रिजमनले क्रस दिएपछि फार पोस्टमा रहेका लोडीले गोल गरेका थिए । युनाइटेडले बल पोसेसनमा अधिकांश समय पकड जमाएपनि गोल गर्न भने सकेन ।

यस हारसँगै युनाइटेड च्याम्पियन्स लिगको राउन्ड अफ १६ चरणबाट नै बाहिरिएको छ ।hamrokhelkud