धर्म संस्कृतिको निर्माणको जिम्मा हाम्रै हो । ढुक्क हुनुहोस् ।

१. मानिसको आस्था र विश्वासको सम्मान सबैले सबै ठाउँमा गर्नुपर्छ ।

२. धर्म, संस्कृति, रीति रिवाज, चाल चलन सम्पूर्ण कुराहरु हामीसँग हाम्रै नेपाली भूमिमा यथेष्ट मात्रामा उपलब्ध छन् । अरूले सिकाउनु वा बोकाउन खोज्नु आवश्यक छैन ।

३. यतिसम्म की, हामीले अन्तरदेशीय पाहुनाहरुसंग देखाउनु पर्ने न्यूनतम देखि उच्चतम मापदण्ड समेत, सयौ वर्ष अगाडि देखि नै निश्चित तथा पूर्णता गरिएको रहेछ !

४. कुन चाड पर्वमा हामीले के के गर्न हुने वा नहुने, कुन समय परिस्थिति अनुसार लागू गर्ने वा नगर्ने भन्ने कुरा स्वयम् हाम्रै मूल ग्रन्थहरुमा तय गरिएको छ । यो कुरामा, हामीलाई अरु बाहिरिया कसैले जबर्जस्ती महाज्ञानी बनेर छद्मरुपी भेषमा सिकाउनु आवश्यक छैन ।

५. हामीसँग भएका सम्पूर्ण यो प्रकारका मौलिक मूल्य, मान्यता, आध्यात्मिक तथा उच्च तहको अलौकिक ज्ञानको भण्डारण हाम्रा पुर्खाको देन हो ।

त्यसको संरक्षण तथा परिष्कृत गर्नु, गराउनु वा यथावत राख्नु नयाँ पुस्ताको दायित्व हो । यसरी हाम्रो धर्म संस्कृतिको निर्माण वा विनिर्माण हाम्रै जिम्मा हो । अरूलाई किन चासो ?

अस्तु । ए. पोख्रेल ।